اسلام آباد (نیوز ڈیسک)  پاکستان سپر لیگ (پی ایس ایل) کے 10ویں ایڈیشن کے ری پلیسمنٹ ڈرافٹ میں مختلف فرنچائزز نے اہم کھلاڑیوں کا انتخاب کر لیا۔ پاکستان کرکٹ بورڈ (پی سی بی) کی جانب سے جاری کردہ اعلامیے کے مطابق، پشاور زلمی نے کاربن بوش کی جگہ جارج لینڈے کو ڈائمنڈ کیٹیگری میں اسکواڈ کا حصہ بنایا، جبکہ گولڈ کیٹیگری میں شامل ناہید رانا کو ریزرو کھلاڑیوں میں شامل کیا گیا ہے۔

دوسری جانب، اسلام آباد یونائیٹڈ نے جنوبی افریقی کرکٹر راسی وین ڈر ڈوسن کی جگہ آسٹریلوی وکٹ کیپر بیٹر الیکس کیری کو جزوی طور پر ٹیم میں شامل کر لیا ہے۔

اسی طرح، کراچی کنگز نے کین ولیمسن کو اسکواڈ میں برقرار رکھتے ہوئے، سلور کیٹیگری میں لٹن داس کی جگہ ریزرو میں شامل کیا ہے۔

کوئٹہ گلیڈی ایٹرز نے بھی اپنے اسکواڈ میں تبدیلیاں کی ہیں اور نیوزی لینڈ کے کرکٹر مارک چیپمین کو ریزرو کھلاڑی کے طور پر ٹیم میں شامل کر لیا ہے۔