کراچی (نیوز ڈیسک) بھارت کے11 جوہری سائنسدان گزشتہ چار سال میں غیر طبعی موت کا شکار ہوئے۔ بھارتی اخبار ”ہندوستان ٹائمز، دکن ہیرالڈ“ کی رپورٹ کے مطابق جوہری توانائی کے شعبہ کی طرف سے فراہم اعداد و شمار سے پتہ چلتا ہے کہ 2009ءسے 2013ءکے درمیان 11 جوہری سائنسدان غیر طبعی موت کا شکار ہوئے۔جنگ رپورٹر رفیق مانگٹ کے مطابق محکمہ کے تحقیقی مراکز میں کام کرنے والے آٹھ انجینئرز اورسائنسدان دھماکوں، پھندوں سے یا سمندر میں ڈوب کر مر گئے۔21ستمبر کو ہریانہ کے تحقیقی ادارے کے مطابق نیوکلیئر پاور کارپوریشن کے تین سائنسدان پرسرار حالات میں ہلا ک ہوئے ان میں سے دو نے مبینہ طور پر خودکشی اور ایک سڑک حادثے میں ہلاک ہوگیا۔ٹرومبے کے مقام پر بارک ریسرچ سینٹر کے سی گروپ کے دو سائنسدان 2010میں اپنی رہائش گاہوں پر مردہ پائے گئے جن کی لاشیں پھندے سے لٹکی ہوئی ملی۔ اسی ریسرچ سینٹر میں 2010میں دو سائنسدان کیمسٹری لیب میں ایک پراسرار آگ میں مر گئے۔ایف گریڈ کا ایک سائنسدان ممبئی میں اپنی رہائش گاہ پر قتل کردیا گیا ان کو گلا دبا کر ہلاک کیا گیا اس کا قاتل ابھی تک گرفتار نہیں کیا گیا۔ ایک ڈی گریڈ کے سائنسدان نے RRCAT میں مبینہ طور پر خودکشی کر لی جس کا کیس پولیس نے بند کردیا۔ کالپکم میں تعینات ایک سائنسدان نے 2013ءمیں مبینہ طور پرذاتی وجوہات کی بنیاد پر سمندر میں چھلانگ لگا کر زندگی ختم کرلی، ممبئی میں ایک سائنسدان نے پھندا لگا کر زندگی کا خاتمہ کرلیا۔ایک سائنسدان نے مبینہ طور پر پولیس نے ذاتی وجوہات پر کرناٹک میں کالی دریا میں کود کر خودکشی کرلی