کراچی(نیوزڈیسک) گزشتہ دنوں کراچی سے پکڑے گئے ایک دہشتگردکے قبضے سے 14شخصیات کی ہٹ لسٹ برآمدہوئی تھی جنہیں وہ گروپ مارنا چاہتاتھا لیکن کامیاب نہ ہوسکے اور اب اس فہرست میں شامل شوبز سے وابستہ شخصیات کے نام سامنے آگئے ہیں اور اب اُنہیں اپنی زندگی اور حفاظت پر توجہ دینی چاہیے ۔ سندھ پولیس کی طرف سے برآمد کی گئی فہرست میں اداکار، سماجی کارکن اور مشہور شخصیات شامل تھیں ۔ سندھ پولیس کی حراست میں موجود ملزم سے برآمد کی جانیوالی فہرست میں شامل ڈیزائنرز میں خاورریاض ،طارق امین ، ایچ ایس وائے ، نوید رشید عرف ٹونی اور اطہرشہزاد شامل ہیں ۔ شوبز سے وابستہ شخصیات میں شمعون عباس، عبداللہ اعجاز، علی سلیم اورگلوکارہ ہمیٰ خواجہ شامل ہیں ۔ ماڈلنگ سے عراج ، عماد، حمیراارشد کے شوہراحمد بٹ اور میک اپ آرٹسٹ ببلوشامل ہے جبکہ سماجی کارکن جبران ناصر بھی دہشتگردوں کے نشانے پر تھے ۔