لاہور ( این این آئی)جماعت اسلامی لاہور نے امیر جماعت اسلامی حافظ نعیم الرحمن کی کال پر کل (اتوار ) 29ستمبر کو احتجاجی دھرنا دینے کا اعلان کر دیا ۔ احتجاجی دھرنے کا اعلان جماعت اسلامی لاہور کی کور کمیٹی کے اجلاس میں کیا گیا جس کی صدارت امیر جماعت لاہور ضیاء الدین انصاری ایڈووکیٹ نے کی جبکہ اجلاس میں سیکرٹری لاہور خالد احمد بٹ نائب امراء جماعت اسلامی لاہور سمیت دیگر ذمہ داران موجود تھے۔

ضیاء الدین انصاری نے کہا کہ حکمران ہوش کے ناخن لیں عوام کو ریلیف فراہم نہ کیا تو گھر جانا پڑے گا۔معاہدہ راولپنڈی پر عمل درآمد تک احتجاجی تحریک ہر گزرتے دن کیساتھ زور پکڑتی جائے گی۔ ممبر شپ مہم کے ذریعے شہریوں کو حکومت کی عوام دشمن پالیسیوں کیخلاف منظم کررہے ہیں۔

انہوں نے کہا کہ جماعت اسلامی کا لاہور میں حافظ نعیم الرحمن کی کال پر 29 ستمبر کو پیکھے وال چوک وحدت روڈحتجاجی دھرنا دے گی ۔احتجاجی دھرنا معاہدہ راولپنڈی کے مطابق بجلی بلوں میں عوام کو ریلیف نہ دینے کیخلاف دیا جارہا ہے۔ دھرنا کی قیادت جما عت اسلامی کی مرکزی، صوبائی کریگی۔احتجاجی دھرنا میں بڑی تعداد میں مرد و خواتین شریک ہوں۔قائد حافظ نعیم الرحمن کی قیادت میں حق دو عوام کو تحریک کا پیغام ہر گھر اور فرد تک پہنچایا جارہا ہے۔