کراچی (این این آئی)سوشل میڈیا پر ثانیہ مرزا نے پاکستان کے معروف گلوکار عاطف اسلم اور ان کی اہلیہ کے ساتھ تصویر شیئر کر دی جو کہ اس وقت صارفین کی توجہ کا مرکز بنی ہوئی ہے ۔تفصیلات کیمطابق عاطف اسلم آج کل اپنی فیملی کے ساتھ دبئی میں موجود ہیں جہاں ان کے کنسرٹ کا انعقاد کیا گیا ، پاکستانی گلوکار کو سننے کیلئے مداحوں کی بھاری تعداد پہنچ گئی جبکہ اس موقع سے شعیب ملک کی سابق اہلیہ ثانیہ مرزا نے بھی فائدہ اٹھایا اور وہ بھی کنسرٹ میں موسیقی سننے پہنچ گئیں ۔ثانیہ مرزا نے عاطف اسلم اور ان کی اہلیہ کے ساتھ انتہائی خوبصورت تصویر بنائی اور اسے انسٹاگرام پر شیئر کی کیا جس کے ساتھ انہوں نے پیغام درج کرتے ہوئے لکھا کہ’ اپنے پسندیدہ لوگوں کے ساتھ ‘ ۔ ثانیہ مرزا کی عاطف اسلم کے ساتھ تصاویر تیزی سے وائرل ہو رہی ہے اور صارفین کی توجہ کا مرکز بنی ہوئی ہے ۔

واضح رہے کہ شعیب ملک نے سال 2010 میں بھارتی ٹینس سٹار ثانیہ مرزا سے پہلی شادی کی تھی، دونوں کا ایک بیٹا اذہان مرزا ملک ہے جس کی پیدائش 2018 میں ہوئی تھی۔رواں سال 20 جنوری کو شعیب ملک نے اداکارہ ثنا جاوید کے ساتھ اپنی دوسری شادی کی تصدیق کی تھی، اس اعلان کے بعد ثانیہ مرزا کے والد عمران مرزا نے بھارتی میڈیا سے گفتگو کرتے ہوئے اپنی بیٹی کی طلاق کی تصدیق بھی کردی تھی، اْن کا کہنا تھا کہ ثانیہ مرزا نے شعیب ملک سے خلع لی ہے۔