کوئٹہ (این این آئی)کوئٹہ میں چلنے والی گرین بس کے کرائے میں آج سے 10 روپے کا اضافہ کردیا گیا۔تفصیلات کے مطابق حکومت نے ڈیزل کی قیمت میں 7 روپے فی لیٹر کمی کی ہے جس کے بعد ڈیزل کی نئی قیمت 289 روپے 71 پیسے فی لیٹر ہوگئی ہے تاہم اس کے باوجود بھی کوئٹہ میں گرین بس سروس کا کرایہ 30 روپے سے بڑھا کر 40 روپے کردیا گیا ہے اس حوالے سے مسافروں نے گرین بس کا کرایہ 30 روپے برقرار رکھنے کا مطالبہ کرتے ہوئے کہا کہ ڈیزل کی قیمت میں کمی کے بعد کرایوں میں اضافہ نامناسب ہے۔واضح رہے گرین بس سروس رواں سال ماہ اگست میں بلیلی سے سریاب تک چلائی گئی ہے۔