اسلام آباد (این این آئی)آن لائن ٹیکسی چلانے والے ڈرائیور کو اسلام آباد میں تھانہ آئی نائن کے علاقے سے اغوا کرلیا گیا۔پولیس کے مطابق اغوا کی دفعات کے تحت ٹیکسی ڈرائیور کے والد کی مدعیت میں نامعلوم افراد کے خلاف مقدمہ درج کرلیا ہے۔
مدعی کے مطابق بیٹے نے 2 بجے فون کر کے بتایا کہ سواری لے کر فیض آباد سے گوجر خان جارہا ہوں۔متن میں کہا گیا کہ پھر بیٹے اور سواری دونوں کا نمبر بند ہوگیا جو مسلسل آف ہے۔پولیس کے مطابق اغوا ہونے والا سید عثمان مقبول نامی آن لائن ٹیکسی ڈرائیور مارگلہ ٹاؤن فیز تھری کا رہائشی ہے۔
