لاہور ( این این آئی) استحکام پاکستان پارٹی نے سیاسی محاذ پر تحریک انصاف کو ایک اور بڑا جھٹکا دے دیا، 2سابق ارکان قومی اسمبلی، ایک سابق صوبائی وزیر نے جہانگیر ترین سے ملاقات کی ۔

جہانگیر ترین سے ملاقات کرنے والوں میں سابق رکن قومی اسمبلی سردار ذوالفقار دلا، سابق رکن قومی اسمبلی غلام محمد لالی اور سابق صوبائی وزیر کرنل (ر) محمد انور شامل ہیں، ملاقات میں آئی پی پی رہنما غلام سرور خان، اسحا ق خاکوانی، عون چودھری، سعید اکبر نوانی بھی شریک تھے۔دواراکین قومی اسمبلی اور سابق صوبائی وزیر نے جہانگیر ترین کا ساتھ دینے کا فیصلہ کیا، تینوں ارکان چند روز میں باضابطہ پریس کانفرنس میں آئی پی پی میں شمولیت کا اعلان کریں گے، جہانگیرترین نے تینوں رہنمائوں کے فیصلے کا خیر مقدم کیا ہے۔