جہانیاں (این این آئی) راستہ نہ دینے پر تلخ کلامی،فائرنگ سے خاتون سمیت 2 افراد قتل ،6 افراد زخمی ہوگئے، لاشوں کو پوسٹ مارٹم کیلئے ہسپتال منتقل کردیاگیا۔تفصیلات کے مطابق صوبہ پنجاب کی تحصیل جہانیاں کے نواحی چک نمبر107 دس آر میں راستہ نہ دینے پر تلخ کلامی ہو گئی جس سے دونوں گروپوں کے مابین جھگڑا ہوا اور ایک گروپ نے فائرنگ کردی ،فائرنگ کے نتیجے میں ایک عورت اور ایک مرد قتل جبکہ 6 افراد زخمی ہو گئے،

جاں بحق ہونے والی خاتون کی شناخت نازیہ زوجہ محمد رزاق اور جاں بحق مرد کی شناخت آصف ولد نذیر احمد ساکنان چک نمبر107دس آر جہانیاں کے ناموں سے ہوئی ہے، جاں بحق افراد کی لاشوں اور زخمیوں کو ریسکیو 1122 جہانیاں نے تحصیل ہیڈکوارٹر ہسپتال جہانیاں منتقل کردیا جبکہ پولیس تھانہ جہانیاں نے کارروائی کا آغاز کر دیا ہے۔