کراچی (این این آئی)چیئرمین پیپلزپارٹی بلاول بھٹو زرداری دبئی روانہ ہوگئے، وہ نجی طیارے کے ذریعے دبئی گئے۔پیپلزپارٹی کے چیئرمین بلاول بھٹو زرداری اچانک دبئی روانہ ہوگئے ہیں، اور ذرائع نے بتایا کہ سابق وفاقی وزیر نجی طیارے کے ذریعے دبئی گئے ہیں۔

واجح رہے کہ سابق صدر اور بلاول بھٹو کے والد آصف زرداری نے گزشتہ روز ایک انٹرویو میں کہا تھا کہ بلاول سب کو بابے کہہ رہے ہیں، صرف مجھے نہیں کہہ رہے، نئی پود کی سوچ ہے، ہر گھر کی سوچ ہے کہ بابا آپ کو کچھ نہیں آتا۔سابق صدر نے بلاول بھٹو کو زیر تربیت قرار دیتے ہوئے کہا کہ بلاول ابھی مکمل ٹرین نہیں ہوا، پڑھا لکھا ہے اچھا بولتا ہے، لیکن تجربہ تجربہ ہوتا ہے۔ سیاست میں سیکھتے سیکھتے، سیکھتے ہیں ،مجھ سے بھی غلطیاں ہوتی ہیں.