لاہور ( این این آئی) لاہور ٹریفک پولیس کا کم عمر ڈرائیونگ کے خلاف بڑے پیمانے پر کریک ڈائون جاری ہے اور 03روز میں 1398مقدمات درج کر کے سینکڑوں گاڑیاں تھانوں میں بند کر دی گئیں ۔چیف ٹریفک آفیسر مستنصر فیروز نے بتایا کہ شہر کے پوش علاقوں میں ناکے، سخت کریک ڈائون جاری ہے ۔

والدین 18 سال سے کم عمر بچوں کو ہرگز گاڑی،موٹرسائیکل نہ چلانے دیں، والدین اپنے بچوں کے مستقبل کے خود ذمہ دار ہیں، کریمنل ریکارڈ بننے سے سرکاری نوکری اور ویزہ حصول میں مشکلات آسکتی ہیں۔ کیونکہ اب کم عمر ڈرائیورز کیخلاف ایف آئی آر درج ہو گی۔ مستنصر فیروز نے کہا کہ والدین اپنی ذمہ داری نبھائیں اور اپنے کم عمر بچوں کو ڈرائیونگ کی اجازت ہرگز مت دیں۔