کراچی(این این آئی)کراچی میں قائم کی گئیں 10نیب عدالتیں غیر فعال ہوگئی ہیں، جن میں سے 4 خالی اور 4 عدالتیں مختلف کورٹس میں تبدیل کردی گئی ہیں۔ذرائع کے مطابق کراچی کی نیب عدالتیں عملاً غیر فعال ہو گئی ہیں، شہر میں 10 نیب عدالتیں قائم کی گئی تھیں، جن میں 4 پہلے ہی مختلف کورٹس میں تبدیل ہو چکی ہیں۔

ذرائع نے بتایا کہ 10 میں 4 نیب عدالتیں خالی پڑی ہیں، اور 2 عدالتیں جن میں ججز تعینات ہیں انہیں بھی دیگرعدالتوں کا چارج دے دیا گیا ہے۔ذرائع کے مطابق احتساب عدالتوں میں 200 سے زائد ریفرنسز زیرالتوا ہیں، اور عدالت نمبر 2 کی جج عالیہ لطیف کی مدت ملازمت گزشتہ روزختم ہوگئی تھی۔