ملتان ( این این آئی)وفاقی تحقیقاتی ایجنسی نے ملتان ائیر پورٹ پر کارروائی کے دوران خواتین کی بیرون ملک اسمگلنگ کی کوشش ناکام بنا دی۔حکام کے مطابق ایف آئی اے ملتان زون کی ٹیم نے ایئرپورٹ پر کامیاب کارروائی کرتے ہوئے 4 خواتین کو بیرون ملک اسمگل کرنے کی کوشش کو ناکام بنا دیا ہے۔

حکام نے بتایا کہ چاروں خواتین کو بیرون ملک استحصال کے لئے جایا رہا تھا اور انہیں ایئرپورٹ سے آف لوڈ کردیا گیا ۔حکام نے مزید بتایا کہ خواتین مسافروں کے پاس کسی قسم کی ہوٹل کی بکنگ نہیں تھی جبکہ ان کے ویزوں اور ٹکٹس کا بندوبست ایجنٹ نے کیا تھا۔