لاہور( این این آئی )نشتر کالونی میں کماہاں روڈ کے قریب سے ڈرم میں سے ایک مرد اورخاتون کی لاشیں برآمد ہوئی ہیں ،لاشیں ملنے کے بعد علاقے میںخوف و ہراس پھیلا گیا ، فرانزک ٹیموں اور پولیس نے شواہد اکٹھے کر کے لاشیں مردہ خانے منتقل کردیں ۔
پولیس کے مطابق واقعہ دیرینہ دشمنی کا شاخسانہ لگتا ہے ،دونوں لاشوں کو تشدد کے بعد قتل کیا گیا ، ڈرم سے ملنے والی لاشوں کی تاحال شناخت نہیں ہو سکی ۔پولیس کے مطابق فرانزک ٹیموں کی مدد سے شواہد اکٹھے کر کے تحقیقات کا آغاز کر دیا گیا ہے اور دونوں لاشوں کی شناخت معلوم کرنے کے لئے اقدامات شروع کر دئیے گئے ہیں۔پولیس کارروائی کے بعد لاشوں کو مردہ خانے منتقل کر دیا گیا ۔
