راولپنڈی (این این آئی) راولپنڈی میں تین معصوم بچے جان کی بازی ہار گئے ہیں۔تفصیلات کے مطابق راولپنڈی کے علاقے شاہ خالد کالونی میں تین بچے چھپن چھپائی کھیلتے ہوئے ایک صندوق میں چھپنے کی کوشش میں اندر پھنس گئے ، گھر پر کسی کے موجود نہ ہونے پر کئی گھنٹے اندر ہی بند رہنے پر سانس گھٹنے کے باعث جان کی بازی ہار گئے۔
جاں بحق ہونے والوں میں دو بچیاں اور ایک بچہ شامل ہے ،تینوں کی میتیں ڈی ایچ کیو ہسپتال منتقل کر دیا گیاہے ۔جاں بحق ہونے والے تینوں بچے بہن بھائی ہیں جن میں دو سالہ زوہان ، چھ سالہ سائرہ ، سات سالہ فاریہ شامل ہیں ۔بچوں کا والد آن لائن بائیک رائیڈرہے،والدہ بھی نجی مارٹ میں ملازم ہے۔
