اسلام آباد(این این آئی)پاکستان تحریک انصاف کے رہنما اسد قیصر کو گرفتار کرلیا گیا۔اسد قیصر کے بھائی نے اپنے بیان میں کہا کہ پی ٹی آئی رہنما اسد قیصر کو ان کی رہائش گاہ سے گرفتار کر لیا گیا۔پی ٹی آئی رہنما کے بھائی نے کہا کہ اسد قیصر گھر پر تھے جب پولیس اور سادہ لباس اہلکار گھر آئے، سادہ لباس اہلکار اسد قیصر کو گرفتار کرکے ساتھ لے گئے ہیں۔

ذرائع کے مطابق اسد قیصر کو گرفتاری کے بعد نا معلوم مقام پر منتقل کر دیا گیا، اسد قیصر کو بنی گالہ میں ان کی رہائش گاہ سے پولیس اور اینٹی کرپشن خیبر پختون خوا ٹیم نے گرفتار کیا۔ پی ٹی آئی رہنما اسد قیصر پر گجو خاں میڈیکل کالج صوابی کے لیے طبی آلات کی خریداری میں کرپشن کا الزام ہے۔