کراچی(این این آئی)جسٹس عرفان سعادت نے قائم مقام چیف جسٹس سندھ ہائی کورٹ کے عہدے کا حلف اٹھا لیا۔منگل کوسندھ ہائی کورٹ میںقائم مقام چیف جسٹس سندھ ہائی کورٹ کی حلف برداری کی تقریب منعقد ہوئی۔سینئرجج جسٹس عقیل عباسی نے قائم مقام چیف جسٹس سندھ ہائی کورٹ سے حلف لیا۔

واضح رہے کہ سندھ ہائی کورٹ کے چیف جسٹس احمد علی شیخ کی مدت 2 اکتوبر کو مکمل ہو گئی تھی۔سندھ ہائی کورٹ کے مستقل چیف جسٹس کے عہدے پر تقرری جوڈیشل کمیشن کے اجلاس کے بعد ہو گی۔جسٹس عرفان سعادت خان جوڈیشل کمیشن کی جانب سے مستقل چیف جسٹس سندھ ہائی کورٹ کی تقرری تک عہدے پر فرائض انجام دیں گے۔