مکوآنہ (این این آئی)قرآن پاک اور سپارے خریدنے کیلئے شناختی کارڈ کی شرط لازمی قرار،بک شاپس مالکان کو ریکارڈ رکھنے کی ہدایت’تفصیلات کے مطابق جڑانوالہ جیسے واقعات کی روک تھام یقینی بنانے کیلئے تحصیل انتظامیہ و پولیس نے تمام بک شاپس مالکان کو سختی سے ہدایت جاری کی ہے کہ حکومت کی جانب سے منظور و جاری کردہ قرآن پاک اور سپاروں کی فروخت کریں تحصیل انتظامیہ و پولیس کی جانب سے بک شاپس مالکان کو کہا گیا ہے کہ قرآن پاک و سپاروں کی خرید و فروخت کیلئے آنیوالے شہریوں کے قومی شناختی کارڈ کی کاپی لازمی قرار دے گی ہے
دکاندار حضرات قرآن پاک و سپارے خریدنے کیلئے والے شخص کا ریکارڈ بھی مرتب کریں گے اور اس کا نام پتہ اور ایڈریس موبائل فون نوٹ کرنے کے بعد قرآن پاک اور سپارے دئیے جائیں تحصیل انتظامیہ و پولیس کا کہنا ہے کہ دکاندار حضرات شناختی کارڈ کی شرط والے بینرز اور کتبے نمایاں جہگوں پر آویزاں کریں ہدایات پر عمل درآمد نہ کرنے کی صورت میں مذکورہ دکاندار کیخلاف سخت کارروائی عمل میں لائی جائے گی اس حوالہ سے تحصیل انتظامیہ و پولیس کا کہنا ہے کہ قومی شناختی کارڈ کی شرط جڑانوالہ جیسے واقعات کی روک تھام یقینی بنانے کیلئے لگائی گئی ہے تا کہ آئندہ سے ایسے افسوناک واقعات رونما نہ ہو سکے لہذا شہری اور دکاندار انتظامیہ کی جانب سے جاری کردہ ہدایت پر عمل درآمد یقینی بنائیں۔
