اسلام آباد(این این آئی)مسلم لیگ (ن)خیبرپختونخوا میں اختلافات کھل کر سامنے آگئے، (ن)لیگ کی جنرل کونسل کے اجلاس میں خیبر پختونخوا سے پرانے پارٹی رہنمائوں نے شرکت نہ کی۔سابق گورنر سردار مہتاب اور اقبال ظفر جھگڑا سمیت درجنوں (ن)لیگی رہنمائوں نے پارٹی کی جنرل کونسل کے اجلاس میں شرکت نہ کی،امیر مقام کی جنرل کونسل اجلاس میں شرکت پر سینئر لیگی رہنمائوں کو اعتراض تھا۔ناراض قائدین کی جانب سے جلد اجلاس بلا کر آئندہ کا لائحہ عمل دئیے جانے کا امکان ہے، ،حمزہ شہباز نتھیا گلی میں ہوکر بھی جنرل کونسل اجلاس میں نہ آئے،کیپٹن ریٹائرڈ صفدر بھی جنرل کونسل اجلاس میں شریک نہ ہوئے۔

موضوعات:مسلم لیگ ن