اسلام آباد(نیوزڈیسک)بھارتی میڈیا کے مطابق مگ 21 لڑاکا طیارہ راجستھان میں ہنومان گڑھ کے قریب گر کر تباہ ہوا۔بھارتی میڈیا کا کہنا ہےکہ گرنے والے فوجی طیارے کا پائلٹ محفوظ رہا تاہم طیارہ گرنے کے باعث زمین پر موجود 2 خواتین ہلاک ہوگئیں۔

رپورٹ کے مطابق حادثے کا شکار ہونے والے طیارے نے سورت گڑھ سے اڑان بھری تھی۔بھارتی فضائیہ کے مطابق طیارہ معمول کی پرواز کے دوران گر کر تباہ ہوا، حادثے کی وجہ جاننے کے لیے انکوائری شروع کردی گئی ہے۔خیال رہے کہ بھارتی فضائیہ کے طیاروں کا حادثہ معمول بن چکا ہے اور آئے روز اس قسم کے حادثات سامنے آتے رہتے ہیں۔