واشنگٹن (این این آئی )امریکی میڈیا نے دعوی کیا ہے کہ برطانوی شاہ چارلس سوم کی تاج پوشی کی تقریب میں شہزادہ ہیری کو بالکونی میں آنے کی دعوت نہیں دی گئی۔میڈیارپورٹس کے مطابق برطانوی بادشاہ چارلس سوم کی تاج پوشی تقریب میں ان کے چھوٹے بیٹے پرنس ہیری نے بھی شرکت کی۔ برطانوی میڈیا کا کہنا تھا کہ تاج پوشی کے بعد پرنس ہیری ویسٹ منسٹر ایبے سے گاڑی میں نکلے دوسری جانب پرنس ولیم اور ان کی فیملی بگھی میں بیٹھ کر شاہی جلوس میں بکنگھم پیلس پہنچے۔برطانوی میڈیا نے تصدیق کی کہ شہزادہ ہیری بالکونی سے نظارے کے موقع پر موجود نہیں تھے۔برطانوی میڈیا کے مطابق بادشاہ کی تاج پوشی کے دن ہیری کے بیٹے کی چوتھی سالگرہ تھی۔

موضوعات:امریکی میڈیا