اسلام آباد (این این آئی) آئین پاکستان کی 50 ویں سالگرہ کے حوالے سے چیف جسٹس عمر عطا بندیال نے سپیکر قومی اسمبلی کو خط لکھ کر کہا ہے کہ پارلیمنٹ کی تقریب میں اپنی عدالتی مصروفیات کی وجہ سے حاضر نہیں ہو سکا ۔ خط میں کہاگیاکہ آئین پارلیمنٹ کو ریاست میں قوانین وضع کرنے کا اختیار اور اہم زمہ داری تفویض کرتا ہے ۔ میڈیا رپورٹ کے مطابق خط میں کہاگیاکہ آئین پاکستان کے تحت ہمارے قوانین ہمارے سیاسی ،سماجی اور معاشی اہداف کو پورا کرنے کے حوالے سے ہماری قسمت کا فیصلہ کرتے ہیں، نیک خواہشات کا اظہار کرتا ہوں کہ پارلیمان ایسے اچھے قوانین تشکیل دے جو آئین پاکستان کے اعلی معیار پر پورے اتریں ۔چیف جسٹس نے کہاکہ میں اس خواہش کا بھی اظہار کرتا ہوں کہ یہ قوانین آئین کے مطابق قوم کی ترقی،خوشحالی اور امن میں رہنمائی بھی کریں۔

موضوعات:خط