نئی دہلی (این این آئی)بالوں کی کٹنگ پسند نہ آنے پر 13سالہ لڑکے نے خودکشی کرلی۔بھارتی میڈیا کے مطابق یہ واقعہ بھارتی ریاست مہاراشٹرا میں پیش آیاجہاں 13سالہ لڑکا اپنے بالوں کی کٹنگ کیلئے حجام کے پاس گیا۔پولیس کے مطابق لڑکے کی فیملی کا کہنا ہے کہ لڑکا 8ویں جماعت کا طالب علم تھا اور اپنے بالوں کی کٹنگ سے ناخوش تھا، اسے چھوٹے بال پسند نہیں آئے اور اس کے مطابق وہ اس میں اچھا نہیں لگ رہا تھا۔پولیس کے مطابق اپنے بالوں کی کٹنگ سے دل برداشتہ ہوکر لڑکے نے 16ویں منزل پر واقع اپنے باتھ روم کی کھڑکی سے چھلانگ لگا کر خودکشی کرلی۔