ملائیشیا کو غربت کے اندھیروں سے نکال کر ترقی و خوشحالی کی بلندیوں پر پہنچانے والے مقبول ترین سیاستدان اور سابق وزیر اعظم مہاتیر محمد فلم اسٹار بن گئے ۔تفصیلات کیمطابق ملائیشیا کی مقامی زبان میں فلمائی گئی سائنس فکشن فلم میں اپنے کردار کے حوالے سے90 سالہ مہاتیرمحمد نے بتایا کہ میں سیاستدان ہونے کے علاوہ ایک اداکار بھی ہوں ۔ فلم میں اپنے کردار کے حوالے سے ایک سوال کے جواب میں ان کا کہنا تھا کہ اْن کا کردار ویسا ہی تھا جیسا کہ انھوں نے اپنے ملک کے لیڈر کے طور پر برسوں نبھایا ۔واضح رہے کہ فلم ملائیشیا کے تمام چھوٹے بڑے شہروں میں اگلے ہفتے عام نمائش کیلئے پیش کی جارہی ہے۔