اسلام آباد (نیوز ڈیسک) وزیراعظم پاکستان عمران خان کی ایک پرانی ویڈیو وائرل ہے جس میں وہ انٹرویو دے رہے ہیں اور اس موقع پر اینکر نے سوال کیا کہ آپ کسی انگلش لڑکی کے قریب کبھی نہیں رہے، اتنے کلوز کے شادی ہو سکتی، جس پر عمران خان نے جواب دیتے ہوئے کہا کہ ایک لڑکی تھی جس کے بہت کلوز تھا
اور بات شادی تک پہنچ گئی تھی لیکن ایسا نہیں ہو سکا۔ میزبان خاتون نے پوچھا کہ وہ لڑکی کون تھی تو عمران خان نے اس کا نام بتاتے ہوئے کہا کہ وہ ایما تھی، عمران خان نے کہا کہ اس کے بعد میں نے شادی سے متعلق سوچنا بھی چھوڑ دیا تھا، خاتون میزبان نے پوچھا کہ کیا واقعی، جس پر عمران خان نے کہا کہ بالکل۔ واضح رہے کہ وزیراعظم عمران خان نے تین شادیاں کی ہیں، پہلی شادی انہوںنے جمائما اسمتھ سے کی، ان میں سے ان کے دو بیٹے ہیں، لیکن ان کا نباہ نہ ہو سکا جس پر دونوں میں علیحدگی ہو گئی، اس کے بعد دوسری شادی وزیراعظم عمران خان نے ریحام خان سے کی لیکن وہ بھی کچھ عرصہ ہی قائم رہ سکے، جس کے بعد وزیراعظم عمران خان نے تیسری شادی بشریٰ بی بی سے کی۔ اس طرح اب وزیراعظم عمران خان کی شریک حیات بشریٰ بی بی ہیں۔ پرانی ویڈیو وائرل ہو رہی ہے جس میں عمران خان نے ایما نامی لڑکی سے انتہائی قریب ہونے کا اعتراف کیا ہے اور یہ بھی اعتراف کیا ہے کہ بات شادی تک پہنچ گئی تھی لیکن شادی نہ ہو سکی۔
