اسلام آباد (نیوز ڈیسک)ملک بھر کی صرافہ مارکیٹوں میں سونے کی قیمتوں میں حالیہ اضافے کے بعد کمی ریکارڈ کی گئی، جبکہ چاندی کے نرخ میں اضافہ دیکھنے میں آیا۔

آل پاکستان صرافہ جیولرز ایسوسی ایشن کے مطابق 24 قیراط فی تولہ سونا 1,400 روپے سستا ہونے کے بعد 4 لاکھ 32 ہزار 436 روپے پر آ گیا۔ اسی طرح 10 گرام سونے کی قیمت میں 1,200 روپے کی کمی ہوئی، جس کے بعد اس کا نیا نرخ 3 لاکھ 70 ہزار 744 روپے مقرر کیا گیا۔

دوسری جانب چاندی کی قیمت میں اضافہ ریکارڈ کیا گیا۔ صرافہ ایسوسی ایشن کے مطابق فی تولہ چاندی 11 روپے مہنگی ہو کر 6 ہزار 432 روپے تک پہنچ گئی۔

بین الاقوامی مارکیٹ میں بھی سونے کی قیمت میں کمی کا رجحان دیکھا گیا، جہاں فی اونس سونا 14 ڈالر سستا ہونے کے بعد 4 ہزار 100 ڈالر پر ٹریڈ کیا گیا۔