کابل میں معصوم بچوں اور عورتوں پر حملہ بربریت ہے، شاہد آفریدی بھی بول پڑے

  جمعرات‬‮ 14 مئی‬‮‬‮ 2020  |  0:03

اسلام آباد (این این آئی)افغانستان کے دارالحکومت میں گزشتہ روز دہشت گرد حملوں میں ہونے والے جانی نقصان پر پاکستان کرکٹ ٹیم کے سابق کپتان شاہد آفریدی نے افسوس کا اظہار اورواقعات کی شدید مذمت کی ہے۔شاہد آفریدی نے اپنے ٹوئٹر اکائونٹ پر لکھا کہ رمضان المبارک کےمقدس مہینے میں کابل میں معصوم بچوں اور عورتوں پر حملہ بربریت ہے۔واضح رہے کہ گزشتہ روز افغانستان میں زچہ بچہ اسپتال اور نماز جنازہ کے دوران ہونے والے ہولناک حملوں میں عورتوں اور بچوں سمیت 40 افراد جاں بحق اور درجنوں زخمی ہوگئے



موضوعات: