اسلام آباد(مانیٹرنگ ڈیسک) میلبرن اسٹارز نے تیز گیند باز حارث رؤف پر نیٹس میں بائولنگ کرانے پر پابندی عائد کر دی،آسٹریلوی میڈیا کے مطابق بگ بیش لیگ میں اپنی تیز و نپی تلی گیند بازی سے 15 وکٹیں حاصل کرنے والے پاکستانی بائولر حارث رؤف اپنی دھاک بٹھا چکے ہیں۔میلبرن اسٹارز کے کپتان میکس ویل سمیتٹیم میں موجود دیگر بلے بازوں نے ان کی تیز گیند بازی کی بہت تعریف کی ہے۔کھلاڑیوں کا کہنا ہے کہ وہ نیٹس میں حارث کو کھیلنے سے اجتناب کرتے ہیں تاکہ ان کی تیز گیندبازی سے زخمی نہ ہو جائیں۔یاد رہے حارث روف نے
اب تک پانچ میچوں میں ایک ہیٹ ٹرک کے ساتھ 15 وکٹیں حاصل کر رکھی ہیں۔