اسلا م آ باد (مانیٹرنگ ڈیسک) بھارت کیخلاف شاندار کامیابی حاصل کرنے والی قومی ٹیم کے اعزاز میں پارلیمنٹ ہاؤس میں استقبالیہ دینے کا فیصلہ۔ تفصیلات کے مطابق سینیٹ کی قائمہ کمیٹی برائے بین الصوبائی امور نے فیصلہ کیا ہے کہ چیمپئنز ٹرافی کے فائنل میں روایتی حریف بھارت کیخلاف شاندار کامیابی حاصل

کرنے والی قومی ٹیم کے اعزاز میں پارلیمنٹ ہاؤس میں استقبالیہ دیا جائے گا۔ اس بات کا اعلان سینٹ کی قائمہ کمیٹی برائے بین الصوبائی امور کے رکن سینیـٹر مشاہد اللہ نے کیا۔ ان کا کہنا تھا کہ کھلاڑیوں کی حوصلہ افزائی بھی کی جائے گی اور اس مقصد کے لیے تجاویز سینیٹ اور قومی اسمبلی بھجوا دیں گے ۔

موضوعات:پاکستان کرکٹ ٹیم سینیٹر مشاہد اللہ