لاہور(این این آئی)لاہور کی کوٹ لکھپت جیل میں کور کمانڈر ہائوس لاہور پر حملے میں مطلوب پاکستان تحریک انصاف کی سپورٹر و معروف فیشن ڈیزائنر خدیجہ شاہ سے امریکی قونصلیٹ کے نمائندے نے ملاقات کی ہے۔جیل ذرائع کے مطابق خدیجہ شاہ سے امریکی قونصلیٹ کے نمائندے کی ملاقات تقریباً ایک گھنٹے تک جاری رہی۔
جیل ذرائع کے مطابق ملاقات کے دوران خدیجہ شاہ کی رہائی سے متعلق قانونی پہلوں کا جائزہ لیاگیا۔جیل ذرائع نے بتایاکہ خدیجہ شاہ دوہری شہریت کی حامل ہیں۔واضح رہے کہ جناح ہائوس لاہور میں جلا ئوگھیرائو اور توڑ پھوڑ کے کیس میں خدیجہ شاہ کو گرفتار کیا گیا تھا اور ان دنوں کوٹ لکھپت جیل میں قید ہیں۔خدیجہ شاہ سابق آرمی چیف جنرل آصف نواز جنجوعہ کی نواسی اور سابق مشیر خزانہ سلمان شاہ کی صاحبزادی ہیں۔
