کراچی، لاہور(مانیٹرنگ ڈیسک ، آن لائن) نیوزی لینڈ کرکٹ بورڈ نے پاکستان کرکٹ بورڈ کوگزشتہ سال ستمبر 2021 میں اچانک دورہ ختم کرنے پر معاوضہ ادا کردیا۔میڈیا رپورٹس کے مطابق نیوزی لینڈ نے غلطی کا ازالہ کرتے ہوئے دورہ پاکستان ختم کرنے پر پی سی بی کو

زرتلافی ادا کر دیا، گوکہ اصل رقم ظاہر نہیں کی گئی مگر یہ کئی ملین ڈالر ہے، کیویز آئندہ برس مئی میں اضافی 10وائٹ بال میچز کےلیے بھی ٹور کریں گے۔اس میں 5 ون ڈے اور اتنے ہی ٹی ٹوئنٹی شامل ہیں،بورڈ کو اس سے بھی بھاری منافع ہوگا۔ دونوں بورڈز کے تعلقات میں ماضی جیسی گرم جوشی واپس آ چکی ہے ، دوسری جانب سہ فریقی ٹی ٹوئنٹی سیریز میں شرکت کے لیے نیوزی لینڈ کرکٹ بورڈ کی دعوت پر پاکستان کرکٹ بورڈ نے ٹیم بھیجنے کی ابتدائی طور پر ہامی بھرلی۔ ذرائع کا کہنا ہے کہ پی سی بی کی جانب سے نیوزی لینڈ میں سہ فریقی ٹورنامنٹ میں ٹیم بھیجنے کے لیے کوشش جاری ہے۔ ذرائع نے بتایا کہ پی سی بی نے ابتدائی طور پر 3 ملکی ٹی ٹوئنٹی ٹورنامنٹ میں شرکت کی ہامی بھرلی، جبکہ سہ فریقی سیریز کے لیے پاکستان کرکٹ بورڈ نیوزی لینڈ کرکٹ بورڈ سے رابطے میں ہیں۔ذرائع نے بتایا کہ نیوزی لینڈ کرکٹ بورڈ نے 3 ملکی سیریز کی یہ پیشکش آئی سی سی میٹنگ کے دوران کی تھی۔ ذرائع کا کہنا تھا کہ چیئرمین پی سی بی رمیز راجہ آسٹریلیا میں شیڈول ٹی ٹوئنٹی ورلڈکپ سے قبل سیریز کے خواہشمند ہیں۔خیال رہے کہ نیوزی لینڈ بورڈ ٹی ٹوئنٹی ورلڈکپ سے پہلے پاکستان اور بنگلادیش کیساتھ 3 ملکی سیریز کا خواہشمند ہے۔

موضوعات:نیوزی لینڈ کرکٹ بورڈ