کرونا وائر س سے مزید دو افراد چل بسے ، چار سو سے زائد کیسز رپورٹ

  اتوار‬‮ 26 جون‬‮ 2022  |  17:00

اسلام آباد (این این آئی)ملک میں 24 گھنٹوں کے دوران کورونا سے مزید 2 افراد انتقال کرگئے۔قومی ادارہ برائے صحت (این آئی ایچ ) کی جانب سے جاری اعداد و شمار کے مطابق گزشتہ 24گھنٹوں کے دوران ملک بھر میں کورونا کے 400 سے زائد کیسز رپورٹ ہوئے۔قومی ادارہ صحت کے مطابق گزشتہ 24 گھنٹوں کے دوران کوروناکے 14 ہزار437 ٹیسٹ کیے گئے

جس میں سے 406 افراد میں وائرس کی تصدیق ہوئی اور شرح 2.81 فیصد رہی۔این آئی ایچ کے مطابق گزشتہ 24گھنٹوں میں کورونا سے 2 ہلاکتیں ہوئیں ، 94 مریضوں کی حالت تشویشناک ہے۔این آئی ایچ حکام کے مطابق سندھ میں کورونا وائرس کے مثبت کیسز میں مسلسل اضافہ ہو رہا ہے، جہاں کورونا کے مثبت کیس کی شرح 7 اعشاریہ 64 فیصد ہو گئی ہے۔گزشتہ 24 گھنٹوں کے دوران ملک کے سب سے بڑے شہر کراچی میں کورونا وائرس کے مثبت کیسز کی شرح 21 اعشاریہ 71 فیصدریکارڈ کی گئی۔ترجمان محکمہ صحت کے مطابق کراچی میں 24 گھنٹوں کے دوران 949 کورونا ٹیسٹ کیے گئے، جن کے نتیجے میں 206 افراد میں کورونا وائرس کی تصدیق ہوئی ہے۔اسی دوران حیدر آباد میں 47 افراد کے کورونا وائرس کے ٹیسٹ کیے گئے، جن کے نتیجے میں 4 افراد میں کورونا وائرس پایا گیا ہے جبکہ یہاں کورونا مثبت کیسز کی شرح 8 اعشاریہ 51 فیصد ریکارڈ کی گئی ہے۔گزشتہ روز کورونا وائرس کے مثبت کیسز کی شرح مردان میں 8 اعشاریہ 77 فیصد اور وفاقی دارالحکومت اسلام آباد میں 3 اعشاریہ 45 فیصد ریکارڈ ہوئی ہے۔اسی دوران کورونا وائرس کے مثبت کیسز کی شرح پشاور میں 3 فیصد، لاہور میں 2 اعشاریہ 82 فیصد، گجرات میں 1 اعشاریہ 82 فیصد اور راولپنڈی میں 1 اعشاریہ 64 فیصد ریکارڈ کی گئی۔



زیرو پوائنٹ

مونس الٰہی سے ملاقات

میری سوموار 8 اگست کو ایک مشترکہ دوست کے گھر میںوزیراعلیٰ پنجاب کے صاحب زادے مونس الٰہی سے ملاقات ہوئی‘ ملاقات ان کی خواہش پر ہوئی اور ان کا کہنا تھا آپ مجھ سے جو بھی پوچھیں گے میں آپ کو سچ سچ بتائوں گا اورفیصلہ آپ پر چھوڑ دوں گا‘ میں نے پہلا سوال کیا ’’آپ جب عمران خان ....مزید پڑھئے‎

میری سوموار 8 اگست کو ایک مشترکہ دوست کے گھر میںوزیراعلیٰ پنجاب کے صاحب زادے مونس الٰہی سے ملاقات ہوئی‘ ملاقات ان کی خواہش پر ہوئی اور ان کا کہنا تھا آپ مجھ سے جو بھی پوچھیں گے میں آپ کو سچ سچ بتائوں گا اورفیصلہ آپ پر چھوڑ دوں گا‘ میں نے پہلا سوال کیا ’’آپ جب عمران خان ....مزید پڑھئے‎