اسلام آباد (نیوز ڈیسک) لاہور ہائیکورٹ کے جج جسٹس شمس محمود مرزا نے اپنے منصب سے استعفیٰ دے دیا ہے۔جیو نیوز کے مطابق، جسٹس شمس محمود مرزا سنیارٹی لسٹ میں پانچویں نمبر پر فائز تھے اور انہوں نے 22 مارچ 2014 کو لاہور ہائیکورٹ کے جج کے طور پر حلف برداری کی تھی۔ذرائع کے مطابق، انہوں نے اپنا استعفیٰ ذاتی وجوہات کی بنا پر صدرِ مملکت کو بھیج دیا ہے۔واضح رہے کہ جسٹس شمس محمود مرزا لاہور ہائیکورٹ کی ایڈمنسٹریشن کمیٹی کے بھی رکن تھے۔















































