کرونا کے خلاف حسین لاکھانی اسپتال کی خدمات لینے سے سندھ حکومت کا انکار

29  مئی‬‮  2020

کراچی (این این آئی) سربراہ بیت الما ل سندھ ورہنماء تحریک انصاف حنید لاکھانی نے کہا ہے کہ ہم نے سندھ حکومت کو پیشکش کی ہے کہ حسین لاکھانی ہسپتال کو کورونا کے مریضوں کے لیئے خدمات دینا چاہتی ہے لیکن سندھ حکومت نے اسے کرونا وائرس کے مریضوں کے لیئے لینے سے صاف انکار کردیا تھا ، لاک ڈائون کے پہلے دن سے ہسپتال تمام تر طبی سہولیات کے ساتھ تیار تھا اور اس ہی دن ہم نے

یہ پیشکش سندھ حکومت کو کی تھی کہ یہاں پر آئیسولیشن وارڈ بنایا جا سکتا ہے ، ایمرجنسی میں ہم نے دس وینٹی لیٹرز کا بندوبست بھی کر لیا تھا ، ان خیالات کا اظہار انہوں نے میڈیا سے بات چیت کے دوران کیا، حنید لاکھانی کا کہنا تھا کہ ہیلتھ کئیر کمیشن نے کہا کہ ہمارے پاس پہلے سے ہی جگہ بہت ہے اپنی مدد آپ اپنے پاس رکھیں ، سندھ حکومت کے میڈیکل کونسل ،کمشنر اور ڈپٹی کمشنر نے ہسپتال کا دورہ کیا اور ہمیں یہ کہا گیا کہ ہمارے پاس ابھی بہت سارے ہسپتالوں میں بیڈز خالی ہیں ، حسین لاکھانی پچھلے چھ ماہ سے مکمل طور پر آپریشنل ہے اور ہم عوام کو مفت طبی سہولیات فراہم کررہے ہیں ، اسوقت ہمارے ہسپتال میں 150بیڈز کی گنجائش ، دس وینٹی لیٹر ز اور دس بیڈز کا آئی سی یو وارڈ بھی موجود ہے ، موجودہ حالات میں اگر کوئی طبی عملے کو ٹریننگ دینی ہے تو اس کے لیئے بھی ہمارے حسین لاکھانی ہسپتال کی خدمات حاصل کی جاسکتی ہیں ، انہوں نے کہا کہ عوامی خدمت کے لیئے ہر وقت ہم تیار ہیں اور کرونا وائرس کی وجہ سے پیدا ہونے والی صورتحال میں صوبائی حکومت کے ساتھ عوام کی بہتری کے لیے مل کر کام کرنے اور لوگوں کی مدد کرنے کو تیار ہیں ، اس وقت ایمر جنسی سروسز اور او پی ڈی ہو رہی ہے اور مریضوں کو دیکھا جارہا ہے ، کرونا وائرس کے مریضوں کے لیئے ڈاکٹرز اور دیگر پیرا میڈیکل اسٹا ف کی ضرورت ہوگی اگر سندھ حکومت نے ہمیں مستقبل میں مدد مانگی تو ہمیں بہت خوشی ہوگی کہ ہمار ا ہسپتال عوام کی خدمت کر رہا ہے، انہوں نے مزید کہا کہ سیاسی معاملات اپنی جگہ ہیں لیکن عوامی خدمت کے لئے ہمار ا ہسپتال بھی حاضر ہے اور ہماری تمام خدمات بھی حاضر ہیں کیونکہ اس وقت عوام کو کرونا وائرس سے محفوظ رکھنا اور بچانا سب سے زیادہ اہم ہے۔

موضوعات:



کالم



مشہد میں دو دن (دوم)


فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…

ہم بھی کیا لوگ ہیں؟

حافظ صاحب میرے بزرگ دوست ہیں‘ میں انہیں 1995ء سے…

مرحوم نذیر ناجی(آخری حصہ)

ہمارے سیاست دان کا سب سے بڑا المیہ ہے یہ اہلیت…

مرحوم نذیر ناجی

نذیر ناجی صاحب کے ساتھ میرا چار ملاقاتوں اور…

گوہر اعجاز اور محسن نقوی

میں یہاں گوہر اعجاز اور محسن نقوی کی کیس سٹڈیز…