اسلام آباد (مانیٹرنگ ڈیسک)گزشتہ روز صندل خٹک اور وزیر ریلوے شیخ رشید کی ایک ویڈیو نے سوشل میڈیا پر ہنگامہ کھڑا کر دیا جس کے بارے میں کہا جاتا رہا کہ یہ جعلی ویڈیو ہے ، ایڈیٹنگ کر کے بنائی گئی ہے ۔ کیا ٹک ٹاک سٹار ز نے وزیر ریلوے کو ٹریپ کرنے کی کوشش کی یا پھر غلطی شیخ رشید کی ہے ۔اس حوالے سے حریم شاہ اور صندل خٹک نے وضاحت جاری کر دی ہے ۔ تفصیلات کے مطابق معروف

پروگرام ہوسٹ وقار ذکا کیساتھ حریم شاہ اور صندل خٹک کی بات ہوئی جس میں صندل خٹک نے قہقہ لگاتے ہوئے کہا کہ شیخ رشید بڑے اچھی انسان اور ہمارے دل کے بے حد قریب بھی ہیں ۔ انہوں نے پی ٹی آئی اور عمران خان نام بہت خوب روشن کیا ہے ۔ ویڈیو سے متعلق صندل خٹک کا کہنا تھا کہ یہ ویڈیو جعلی نہیں بلکہ اصلی ہے حریم شاہ کہنا تھا کہ ہم نے یہ اس لیے ریکارڈ کی تھی کہ کل کوئی ہمارے ساتھ مسئلہ ہوا تو یہ بطور پروف ہمارے پاس ہو گی لیکن اسے سوشل میڈیا پر نہ تو ہم نے ڈالا ہے اور نہ ہی اس میں ہمارا کوئی ہاتھ ہے جبکہ حریم شاہ کا کہنا تھا کہ شیخ رشید نے مجھے کال کی تھی اورکہا تھا کہ آئو ساتھ بیٹھ کر گپ شپ لگائیں گے ۔ ہم نے انہیں نہیں بلایا بلکہ وہ خود ہمارے پیچھے آئے ہیں ۔ کئی کالز کے ریکارڈ ہمارے پاس موجود ہیں ۔ حریم شاہ اور صندل خٹک کا کہنا تھا کہ جب بارش ہوتی ہے تو پانی آتا ہے اور جب زیادہ بارش ہوتی ہے تو زیادہ پانی آتا ہے ، پھر بلاول آتا ۔ پھر حریم شاہ اور صندل خٹک آتیں ہیں۔ جبکہ وقار ذکا کہنا تھا کہ آپ شیخ رشید کے بارے میں ایسے الفاط کیسے استعمال کر سکتیں ہیں ان کی پاکستان کیلئے بے حد خدمات ہیں ۔جس کے جواب میں حریم شاہ اور صندل خٹک کا کہنا تھا کہ ہم پی ٹی آئی کے ورکرز ہیں اور عمران خان کیلئے ہم کچھ بھی کر سکتے ہیں ۔ ان کا کہنا تھا کہ جو بھی وزیراعظم عمران خان کیساتھ دھوکہ کرے گا اس کی ویڈیو سامنے لائیں گے اور انہیں پاکستان میں بے نقاب کریں گے ۔ ہمارے پاس کئی لوگ ہیں جن کے ثبوت موجود ہیں ۔

موضوعات:حریم شاہ شیخ رشید صدنل خٹک