اسلام آباد(مانیٹرنگ ڈیسک)معروف صحافی صابر شاکر نے نجی ٹی وی پروگرام میں دعویٰ کیا ہے کہ آصف علی زرداری بھی ڈیل کرنے والے ہیں ۔ تفصیلات کے مطابق صابر شاکر نے کہا ہے کہ حکومت اور آصف علی زرداری کے مابین ڈیل صرف 15,20کا فرق رہ گیا ہے ۔ اس کے درمیان میں کہیں معاملات طے ہو جائیں گے ۔ آصف زرداری کیساتھ بات چیت آخری مراحل میں داخل ہو چکی اور جلد ہیں ڈیل فائنل ہو جائے گی ۔ معروف صحافی کا کہنا تھا کہ اس ڈیل سے بہت بڑی رقم پاکستان آنے والی ہے ۔صابر شاکر کا مزید کہنا تھا کہ

برطانیہ میں نیب اور کرائم ایجنسی کئی اہم کیسز پر کام کر رہے ہیں جس کی وجہ سے زرداری اور شریف فیملی کیلئے مشکلات میں اضافہ ہونے والا ہے ۔ برطانوی ایجنسی این سی اے کے کنٹری ڈائریکٹر نے بتایا کہ برطانیہ سے 190ملین پاؤنڈ آئے ہیں لیکن آئندہ جو مزید رقوم آئیں گی، وہ کہیں زیادہ ہوگی۔ برطانوی ایجنسی کے ساتھ ملکر اہم جائیدادوں کی نشاندہی کی گئی ہے۔آنے والے دنوں میں بہت کچھ مل سکتا ہے۔ جبکہ سینئر صحافی چوہدری غلام حسین کا کہنا تھا کہ اومنی گروپ والوں کی جانب سے اربوں روپے کی پیشکش کی جارہی ہیں ۔