گھوٹکی(این این آئی) وزیراعلی سندھ سید مراد علی شاہ نے کہا ہے کہ کراچی سے اغوا ہونے والی دعامنگی کے معاملے پر پولیس کام کررہی ہے،کوشش ہے کوئی نقصان نہ ہو۔وزیراعلی سندھ مرادعلی شاہ نے گزشتہ روزجام ہائوس عادل پور پہنچے،جہاں انہوں نے جام سیف اللہ اورجام اکرام اللہ دھاریجوسے والدہ کے انتقال پراظہارتعزیت کیا۔اس موقع پر میڈیا سے بات چیت کرتے ہوئے وزیراعلی نے کہا کہ دعامنگی کے معاملے پرپولیس کام کررہی ہے،کوشش ہے کوئی نقصان نہ ہو.

دعامنگی کوتمام ترٹیکنالوجی بروئے کار لاکر بازیاب کروایا جائے گا۔مراد علی شاہ نے کہا کہ ٹڈی دل کاخاتمہ وفاقی ادارے پلانٹ پروٹیکشن کی ذمہ داری ہے، وفاق کے پاس اسپرے کرنے والے3 جہازوں میں سے2خراب ہیں ہم نے ٹڈی دل کے حملے پر وفاقی وزیرسے بات کی مگر وفاقی وزیرنے بتایاکہ پیسٹی سائیڈتیل کی رقم نہیں ہے۔انہوں نے بتایا کہ کراچی سیف سٹی کامنصوبہ التواکاشکارہے جب کہ تمام مراعات ملائیں توسندھ پولیس کی تنخواہ دیگرصوبوں سے زیادہ ہے۔