مریم نواز،مریم اورنگزیب کو گرفتار کرنے کا فیصلہ ،فہرست میں مزید کن سیاستدانوں کے نام شامل ہیں؟بڑا دعویٰ سامنے آگیا

  ہفتہ‬‮ 3 اگست‬‮ 2019  |  15:12

اسلام آباد (مانیٹرنگ ڈیسک)مجھے چیئرمین سینیٹ کے خلاف تحریک عدم اعتماد پر ووٹنگ سے قبل بتایا گیا تھا کہ جلد مسلم لیگ ن اور پیپلز پارٹی کے خلاف مقدمات اور گرفتاریوں کا طوفان آئے گا۔معروف صحافی اعزاز سید کاانکشاف ، اپنے کالم’’اپوزیشن ناکام کیوں ہوئی ‘‘میں انہوں نے لکھا ہے کہ اس بار گرفتاریوں کی فہرست میں مسلم لیگ ن کی رہنما مریم نواز اور ن لیگ کی ترجمان مریم اورنگزیب شامل ہیں۔اس کے علاوہ پارٹی کے جنرلسیکرٹری احسن اقبال اور جاوید لطیف بھی شامل ہیں۔اعزاز سید نے مزید لکھا ہے کہ وفاقی کابینہ کا ایک رکن نیب لاہور کے


سربراہ کو قومی اسمبلی میں اپوزیشن لیڈر میاں شہباز شریف کی گرفتاری کے بارے میں اکثر رابطہ کر کے اصرار کرتا ہے یعنی شہباز شریف کی ایک بار پھر گرفتاری عمل میں لائی جائے گی۔گرفتاریوں کا یہ سلسلہ صرف ن لیگ کے خلاف ہی نہیں بلکہ پیپلز پارٹی کے چند رہنمائوں کی گرفتاریاں بھی عمل میں لائی جائیں گی۔


موضوعات: