اسلام آباد (این این آئی)روڈ ٹو مکہ منصوبہ کے تحت رواں سال 90 فیصد پاکستانی عازمین حج کی امیگریشن پاکستان میں ہو گی۔ تفصیلات کے مطابق پاکستان کو روڈ ٹو مکہ منصوبہ میں شامل کرنے سے متعلق اہم پیش رفت ہوئی ہے گزشتہ روز سعودی عرب کے علی سطح کے وفد ڈی جی امیگریشن میجر جنرل سلیمان الیحی کی قیادت میں ا سلام آباد ائیر پورٹ کا دورہ کیا ۔اس موقع پر سعودی وفد کو عازمین حج کی سعودی عرب روانگی سے متعلق بریفنگ دی گئی۔ سیکرٹری ایوی ایشن و ڈی جی سی اے اے ، ایف آئی اے، کسٹم، امیگریشن حکام بھی موجود تھے۔
روڈ ٹو مکہ منصوبہ کے تحت رواں سال 90 فیصد پاکستانی عازمین حج کی امیگریشن پاکستان میں ہو گی۔پہلے مرحلے مین عازمین کو اسلام آباد اور کراچی ایئرپورٹ پر پری کلیئرنس دی جائیگی ،کراچی اور اسلام آباد ایئرپورٹ پر سعودی امیگریشن کیلئے الگ سے کاؤنٹر بنائے جائیں گے ،سعودی وفد لاہور،پشاور،کراچی ایئرپورٹس کا بھی دورہ کرے گااور عازمین کیلئے سہولیات کا جائزہ لے گا