کراچی (آئی این پی) پاکستان مسلم لیگ (ن) کے رہنما محمد زبیر نے کہا ہے کہ وزیر اطلاعات کا یہ کام نہیں ہوتا کہ ہر کسی کو چور کہے، فواد چوہدری وزیراعظم کی ایماء پر ایسے بیان دیتے ہیں، معیشت کیلئے فالودہ کا لفظ استعمال کرنا انتہائی غیر مناسب ہے۔منگل کو فواد چوہدری کے بیان پر ردعمل دیتے ہوئے (ن) لیگ کے رہنما محمد زبیر نے کہا کہ وزیراطلاعات اس طرح کی گفتگو کر کے اسمبلی کا ماحول خراب کرتے ہیں، وزیر اطلاعات

کا یہ کام نہیں ہوتا کہ ہر کسی کو چور ارو ڈاکو کہے، فواد چودری وزیراعظم کی ایماء پر ایسے بیان دیتے ہیں، بجلی کے حوالے سے شاہد خاقان عباسی نے وفاقی کابینہ کو مناظر کا چیلنج کیا ہے، یہ حکومت صرف الزام لگانے کی حد تک ہے، عمر ایوب خان کافالودہ ایک ٹی وی پروگرام میں بنا تھا، پروگرام میں عمر ایوب کی زبان لڑکھڑا گئی تھی کہ وہ بات کیا کریں، معیشت کیلئے فالودہ کا لفظ استعمال کرنا انتہائی غیر مناسب ہے۔

موضوعات:محمد زبیر