اسلام آباد(مانیٹرنگ ڈیسک) احتساب عدالت کی جانب سے ایون فیلڈ ریفرنس کیس میں شریف خاندان کے متعلق ممکنہ فیصلہ آنے کو مگر شہباز شریف کیا کر رہے ہیں، کیا بیان دیدیا، جان کر دنگ رہ جائینگے۔ تفصیلات کے مطابق احتساب عدالت کی جانب سے ایون فیلڈ ریفرنس کیس میں شریف خاندان کے متعلق ممکنہ فیصلہ آنے کو ہے اور اس موقع پر شہباز شریف کی زیر سربراہی احتساب عدالت

کے ممکنہ فیصلے پر ردعمل کی حکمت عملی طے کرنے کیلئے ن لیگ کی مرکزی ایگزیکٹو کمیٹی کا اجلاس ہوا۔ اجلاس میں مسلم لیگ (ن) کے قائد میاں محمد نواز شریف کے متعلق احتساب عدالت کے ممکنہ فیصلے کے سیاسی و قانونی محرکات کا تفصیل سے جائزہ لیا گیا جب کہ اس حوالے سے جوابی حکمت عملی پر بھی تفصیل سے غور وفکر کیا گیا۔اس موقع پرمرکزی ایگزیکٹو کمیٹی میں بات کرتے ہوئے شہباز شریف کا کہنا تھا کہ ن لیگ کے پاس سب سے بہترین اور تجربہ کار ٹیم ہے جس نے پہلے بھی ملک کی بہترین خدمت کی ہے اور اب بھی کرے گی۔اس موقع پر شہباز شریف نے بہترین منشور تیار کرنے پر ن لیگ کی منشور کمیٹی کی تعریف کی جب کہ کمیٹی ارکان نے بھی انہیں بہترین منشور پیش کرنے پرمبارک باد دی۔ لیگ (ن) کی سینٹرل ایگزیکٹو کمیٹی کے اجلاس میں فیصلہ کیا گیا کہ ملک میں آزادانہ شفاف اورغیرجانبدار انتخابات کو یقینی بنانے کے لیے مسلم لیگ (ن) کے مرکزی سیکرٹریٹ میں اینٹی ریگنگ سیل قائم کیا جائے گا اور دھاندلی کی کسی بھی شکایت کی صورت میں فوری طور پر اس سیل سے رابطہ کیا جائے گا۔اجلاس میں انتخابات کے حوالے سے مختلف سرویز کا جائزہ لیا گیا اور اس بات پراطمینان کا اظہار کیا گیا کہ تمام سروے مسلم لیگ (ن) کی واضح برتری کی تصدیق کررہے ہیں۔شہباز شریف نے انتخابات اور دیگر سیاسی معاملات پر ممبران کو اعتماد میں لیا اور کہا کہ مسلم لیگ (ن) ملک میں ہر قیمت پر شفاف آزادانہ اور غیر جانبدارانہ انتخابات کا انعقاد چاہتی ہے اسی لیے راستے میں کوئی رکاوٹ برداشت نہیں کی جائے گی۔

موضوعات:ایون فیلڈ ریفرنس شہباز شریف مسلم لیگ ن مرکزی ایگزیکٹو کمیٹی