لاہور(انٹرنیشنل پریس ایجنسی)عمران خان کےخلاف وزیراعلیٰ پنجاب کے ہتک عزت کے دعوے کی سماعت ہوئی ایڈیشنل سیشن جج رائے نعیم نے کیس کی سماعت کی۔شہبازشریف کے وکیل نے کہا کہ عمران خان عدالتی کارروائی سے متعلق تاخیری حربے استعمال کر رہے ہیں۔

انہوں نے مزید کہا کہ قانون کے مطابق ہتک عزت کے دعوے کا فیصلہ 90روز میں ہو جانا چاہیے، عدالت عمران خان کے خلاف 10ارب روپے ہرجانے کے کیس کا جلد فیصلہ کرے۔عدالت نے کیس کی سماعت 21 اپریل تک ملتوی کر تے ہوئے آئندہ سماعت پر فریقین کے وکلاءکو بحث کا حکم دےدیا۔