اسلام آباد (مانیٹرنگ ڈیسک،آئی این پی)پنجاب کے حلقہ این اے 169 وہاڑی سے مسلم لیگ ن کے رکن قومی اسمبلی طاہر اقبال چوہدری نے ختم نبوتؐ قانون میں ترمیم کے معاملے پر پارٹی چھوڑنے کا اعلان کردیا، سینٹ کیلئے ووٹ کاسٹ کرنے سے بھی انکار۔نجی ٹی وی کے مطابق این اے 169 وہاڑی سے رکن قومی اسمبلی طاہر اقبال چوہدری نے ختم نبوتؐ قانون میں ترمیم کے معاملے پر مسلم لیگ ن سے کنارہ کشی اختیار کرلی،
انہوں نے سینٹ کیلئے ووٹ کاسٹ کرنے سے بھی انکار کردیا۔ طاہر اقبال چوہدری نے کہا میں ایسی پارٹی کو ووٹ کیوں دوں جس نے ختم نبوتؐ قانون میں ترمیم کی ہو، ختم نبوتؐ پر وار کرنے والوں کو ووٹ نہیں دے سکتا۔فاٹا سے رکن قومی اسمبلی شہاب الدین نے فاٹا کے لیے پوری قومی اسمبلی کو الیکٹورل کالج بنانے کا مطالبہ کرتے ہوئے سینیٹ الیکشن کابائیکاٹ کردیا اور کہاکہ فاٹا کے نمائندہ ووٹ ڈال رہے ہیں، ہم الیکشن کا بائیکاٹ کر رہے ہیں ، ایک طرف چھ ارکان کا ٹولہ ہے اور دوسری طرف 5 فاٹا کے ارکان ہیں۔یہ صورتحال ہارس ٹریڈنگ کا سبب بن رہی ہے۔ ہفتہ کویہاں میڈیا سے گفتگو کرتے ہوئے کہاکہ آج کا دن مبارک ہے افسوس کے ساتھ یہ کہنا پڑتا ہے کہ الیکشن کمیٹی نے ہماری بات نہیں سنی۔الیکشن رفارمز ناگزیر تھے مشرف کے زمانہ میں ایک ممبر ایک ووٹ ڈالتا تھا ایک ممبر قومی اسمبلی ایک ووٹ اب ایک ممبر چار ووٹ ڈال رہا ہے۔ انہوں نے کہاکہ الیکٹورل کالج بارہ افراد پر مشتمل تھا ۔لیکن چار کو منتخب کرنا ہے ہم نے دہشتگردی کی کمر توڑ دی۔ چھ فاٹا ارکان چارفاٹا کے سینٹر منتخب کر رہے ہیں پاکستان کی تاریخ میں ایسی کوئی مثال نہیں ملتی میں نے بار بار رفارمز کمیٹی کو خط لکھے لوگ ہم سے پوچھتے ہیں کتنی بولی لگی ہے ہمیں شرمندگی ہوتی ہے،
شہاب الدین نے کہاکہ چار فاٹا کے نمائندہ ووٹ ڈال رہے ہیں ہم الیکشن کا بائیکاٹ کر رہے ہیں میرا بیٹا بھی الیکشن لڑ رہا ہے لیکن صوتحال بہت افسوسناک ہے۔ انہوں نے کہاکہ ہمارا مطالبہ ہے کہ فاٹا ٹرائبل ایریا ہے فاٹا کے لیے پوری قومی اسمبلی کو الیکٹورل کالج بنایا جائے۔ شہاب الدین نے کہا کہ ایک طرف چھ ارکان کا ٹولہ ہے اور دوسری طرف 5 فاٹا کے ارکان ہیں۔یہ صورتحال ہارس ٹریڈنگ کا سبب بن رہی ہے وفاقی دارالحکومت کے دو امیدواروں کیلئے ووٹنگ میں حصہ لیا ہے فاٹا کیلئے سینیٹ انتخابات کا بائیکاٹ کر دیا ہے۔