اسلام آباد(مانیٹرنگ ڈیسک) مسلم لیگ ق کے صدر چوہدری شجاعت حسین نے دعویٰ کیا ہے کہ مسلم لیگ ن کے 70اراکین قومی اسمبلی ان کے ساتھ رابطے میں ہیں اور ن لیگی اراکین اسمبلی جلد بڑا فیصلہ کرنے کیلئے تیار ہیں۔ ان کا کہنا تھا کہ وہ نیک نیتی کے ساتھ لیگیوں کے اتحاد کا ایجنڈا لیکر کراچی جا رہے ہیں۔ وہ کراچی روانگی
سے قبل صحافیوں سے گفتگو کر رہے تھے۔ چوہدری شجاعت حسین کا کہنا تھا کہ لیگیوں کے اتحاد کے مشن پر نکل پڑا ہوں اور امید ہے کہ اللہ تعالیٰ مجھے اس مقصد میں کامیابی دینگے۔ واضح رہے کہ اپنے مشن کراچی میں چوہدری شجاعت فنکشنل لیگ کے رہنما پیرپگارا اورغوث علی شاہ و دیگر لیگی رہنمائوں سے ملاقاتیں کرینگے۔
