اسلام آباد(مانیٹرنگ ڈیسک) پاکستان تحریک انصاف کے چیئرمین عمران خان نے پاکستان مسلم لیگ قائداعظم کے سربراہ چوہدری شجاعت حسین سے ملاقات کر کے رائیوینڈ مارچ کے حوالے سے شرکت کی خصوصی درخواست کر دی ۔
تفصیلات کے مطابق پاکستان تحریک انصاف کے چیئرمین عمران خان نے مسلم لیگ ق کے سربراہ سے ان کے گھر پر ملاقات کر کے سیاسی صورتحال اور اپوزیشن جماعتوں کی جانب سے چلائی جانے والی تحریک احتساب میں دوبارہ سے شامل ہونے کی درخواست کر دی ہے۔ملاقات میں ملکی سیاسی صورتحال پر تبادلہ خیال کیا گیا اور احتجاجی مظاہروں اور دھرنے میں شرکت کی باقاعدہ دعوت بھی دی ہے ۔ عمران خان نے اس موقع پر چوہدری شجاعت حسین سے کہا ہے کہ ہم رائے ونڈ احتجاج اور دھرنے کے لئے جا رہے ہیں جاتی عمرہ کا گھیراؤ کرنے کا کوئی ارادہ نہیں ہے ۔ مارچ کے دوران کوئی اسلحہ لے کر نہیں جایا جائے گا اور نواز شریف کے گھر کا گھیراؤ یا محاصرہ کرنا مقصد نہیں ہے عوام کو پر امن رکھا جانے پر خصوصی توجہ دی جائے گی۔
