اسلام آباد: وزیراعظم عمران خان کا آئندہ 24 گھنٹے میں اہم خطاب متوقع ہے۔ خطاب عالمی وبا قرار دیے جانے والے کورونا وائرس سے متعلق ہو گا۔ اس ضمن میں انتہائی ذمہ دار ذرائع نے بتایا ہے کہ کورونا وائرس کے حوالے سے وزیراعظم کا اہم خطاب آئندہ 24 گھنٹے میں متوقع ہے۔نجی ٹی وی کے مطابق ذرائع نے بتایا ہے کہ وزیراعظم عمران خان کی زیر صدارت حکومتی ترجمانوں کا منعقدہ اہم
اجلاس بھی ختم ہو گیا ہے۔ ذرائع نے بتایا ہے کہ حکومتی ترجمانوں کے اجلاس میں ملک کی مجودہ صورتحال پر مشاورت کی گئی۔ذرائع کے مطابق منعقدہ اجلاس میں آئندہ سال کے وفاقی بجٹ سے متعلق تجاویز پر غور کیا گیا اور پارلیمنٹری سیشن پربھی گفتگو ہوئی۔ ذرائع نے بتایا ہے کہ وزیراعظم عمران خان نے اپنی زیر صدارت منعقدہ اجلاس میں حکومتی ترجمانوں کو آئندہ کی حکمت عملی سے متعلق گائیڈ لائنز بھی فراہم کیں۔
