صدر اور وزیراعظم کا کیمپ آفسز بنانے کا اختیار، حکومت نے انتہائی اہم فیصلہ کر لیا

  پیر‬‮ 27 جنوری‬‮ 2020  |  21:21

اسلام آباد (این این آئی)وفاقی حکومت نے صدر اور وزیراعظم کا کیمپ آفسز بنانے کا اختیار ختم کرنے کا فیصلہ کرلیا ہے۔ ذرائع کے مطابق صدر اور وزیراعظم کے کیمپ آفسز ختم کرنے کا فیصلہ اخراجات میں کمی کے لیے کیا جارہا ہے۔ذرائع کے مطابق صدر اور وزیراعظم سے یہ اختیار واپس لینے کے لیے ان کے اختیار سے متعلق ایکٹ 1975 میں ترمیم لائی جائے گی۔ذرائع کے مطابقوزیراعظم اور صدر کے اختیار سے متعلق ایکٹ 1975ء میں ترمیم کے لیے مسودہ تیار کرلیا گیا ہے، جو منگل کووفاقی کابینہ میں پیش کیا جائے گا۔ترمیمی مسودے میں کہا گیا ہے


کہ صدر اور وزیراعظم دفاتر اور رہائش کے سوا کوئی کیمپ آفس نہیں بناسکیں گے۔ذرائع کے مطابق کیمپ آفسز سے متعلق ترمیم کابینہ سے منظوری کے بعد بل کی شکل میں پارلیمنٹ میں پیش کی جائیگی۔

موضوعات: