ریاض (این این آئی) سعودی عرب جانے والے پاکستانیوں کے لیے اہم ہدایت نامہ جاری کردیاگیا
جس میں ممنوعہ اشیا ساتھ لانے پر مکمل پابندی عائد کی گئی ہے۔بیورو آف امیگریشن اینڈ اوورسیز ایمپلائمنٹ نے مسافروں کو ہدایت کی گئی ہے کہ محفوظ سفر اور سعودی عرب میں قانون کی پاسداری کیلئے مخصوص ممنوعہ اشیا ساتھ لے جانے سے مکمل طور پر گریز کریںجن میں الکحل، شراب، ہر قسم کا نشہ، منشیات اور دیگر ممنوعہ ادویات، سور کا گوشت اور اس سے بنی تمام تر مصنوعات، ہر قسم کا اسلحہ، گولا بارود اور دیگر خطرناک آلات سمیت مقدس کتابوں کی نامناسب کاپیاں یا مواد شامل ہیں۔
دیگر ممنوعہ سامان میں جوئے کا سامان، لاٹری ٹکٹیں اور اس سے ملتی جلتی دیگر تمام اشیا شامل ہیں۔حکام نے مسافروں کو ہدایت کی ہے کہ وہ کسی بھی پریشانی یا قانونی کارروائی سے بچنے کے لیے سفر سے قبل سعودی کسٹم کی آفیشل ویب سائٹ پر ممنوعہ اشیا کی مکمل فہرست کا لازمی جائزہ لیں۔
