لاہور(این این آئی)وزیر اعلی پنجاب سردار عثمان بزدار نے سابق وزیر اعظم محمد نواز شریف کو بہترین طبی سہولیات فراہم کرنے کی ہدایت کردی۔ سردار عثمان بزدار نے سروسز ہسپتال کی انتظامیہ کو نواز شریف کو بہترین علاج معالجہ یقینی بنانے کی ہدایت کرتے ہوئے کہا ہے کہ علاج کے حوالے سے سابق وزیر اعظم کے ذاتی معالج سے بھی مشاورت کی جائے۔ وزیر اعلی نے امید
ظاہر کی کہ نوازشریف کے ذاتی معالج بھی اس حوالے سے تعاون کریں گے۔دریں اثناء جمعیت علمائے اسلام (ف) کے سربراہ مولانا فضل الرحمن نے مسلم لیگ (ن) کے صدر محمد شہباز شریف کو ٹیلیفون کرکے انکے بڑے بھائی نواز شریف کی صحت بارے آگاہی حاصل کی۔مولانا فضل الرحمان کی جانب سے نواز شریف کیلئے نیک خواہشات کا اظہار اور جلد صحت یابی کیلئے دعا بھی کی گئی۔
