اسلام آباد (نیوز ڈیسک) متحدہ عرب امارات میں عیدالفطر 2026 کے موقع پر سرکاری اور نجی اداروں کے لیے تعطیلات کا باضابطہ اعلان کر دیا گیا ہے۔

وفاقی اتھارٹی برائے سرکاری انسانی وسائل کے مطابق ملک بھر کی تمام وفاقی وزارتیں، سرکاری محکمے اور پبلک سیکٹر کے ادارے 19 مارچ سے 22 مارچ تک بند رہیں گے جبکہ معمول کا سرکاری کام 23 مارچ سے دوبارہ شروع ہوگا۔نجی شعبے کے ملازمین کو 19 مارچ سے 21 مارچ تک چھٹیاں دی جائیں گی۔ حکام نے واضح کیا ہے کہ اگر رمضان المبارک 30 دن کا ہوا تو نجی اداروں کی تعطیل میں 22 مارچ بھی شامل کر لیا جائے گا۔متعلقہ حکام نے عوام اور مقیم افراد کو مشورہ دیا ہے کہ وہ ان تاریخوں کو مدنظر رکھتے ہوئے اپنی سفری اور تہوار سے متعلق سرگرمیوں کی پیشگی منصوبہ بندی کر لیں۔